Psa 108 | VulgJ | STEP | in finem David psalmus pro victoria David canticum

Psalms 108

1 in finem David psalmus ^va 2 Deus laudem meam ne tacueris quia os peccatoris et os dolosi super me apertum est ^va 3 locuti sunt adversum me lingua dolosa et sermonibus odii circuierunt me et expugnaverunt me gratis ^va 4 pro eo ut me diligerent detrahebant mihi ego autem orabam ^va 5 et posuerunt adversus me mala pro bonis et odium pro dilectione mea ^va 6 constitue super eum peccatorem et diabulus stet a dextris eius ^va 7 cum iudicatur exeat condemnatus et oratio eius fiat in peccatum ^va 8 fiant dies eius pauci et episcopatum eius accipiat alter ^va 9 fiant filii eius orfani et uxor eius vidua ^va 10 nutantes transferantur filii eius et mendicent eiciantur de habitationibus suis ^va 11 scrutetur fenerator omnem substantiam eius et diripiant alieni labores eius ^va 12 non sit illi adiutor nec sit qui misereatur pupillis eius ^va 13 fiant nati eius in interitum in generatione una deleatur nomen eius ^va 14 in memoriam redeat iniquitas patrum eius in conspectu Domini et peccatum matris eius non deleatur ^va 15 fiant contra Dominum semper et dispereat de terra memoria eorum ^va 16 pro eo quod non est recordatus facere misericordiam ^va 17 et persecutus est hominem inopem et mendicum et conpunctum corde mortificare ^va 18 et dilexit maledictionem et veniet ei et noluit benedictionem et elongabitur ab eo et induit maledictionem sicut vestimentum et intravit sicut aqua in interiora eius et sicut oleum in ossibus eius ^va 19 fiat ei sicut vestimentum quo operitur et sicut zona qua semper praecingitur ^va 20 hoc opus eorum qui detrahunt mihi apud Dominum et qui loquuntur mala adversus animam meam ^va 21 et tu Domine Domine fac mecum propter nomen tuum quia suavis misericordia tua libera me ^va 22 quia egenus et pauper ego sum et cor meum turbatum est intra me ^va 23 sicut umbra cum declinat ablatus sum excussus sum sicut lucustae ^va 24 genua mea infirmata sunt a ieiunio et caro mea inmutata est propter oleum ^va 25 et ego factus sum obprobrium illis viderunt me moverunt capita sua ^va 26 adiuva me Domine Deus meus salvum fac me secundum misericordiam tuam ^va 27 et sciant quia manus tua haec tu Domine fecisti eam ^va 28 maledicent illi et tu benedices qui insurgunt in me confundantur servus autem tuus laetabitur ^va 29 induantur qui detrahunt mihi pudore et operiantur sicut deploide confusione sua ^va 30 confitebor Domino nimis in ore meo et in medio multorum laudabo eum ^va 31 quia adstetit a dextris pauperis ut salvam faceret a persequentibus animam meam

^va